Пукаңдики көмүр канда йүз бәргән газ партлаш вәқәсидә адәм өлди


2005-01-03
Share

Алдинқи күни уйғур аптоном райониниң пукаң наһийисидики кәйши 2 - көмүр кенида газ партлаш вәқәси йүз берип, төт адәм өлди. Бир адәм яриланди. Хәвәрләргә қариғанда, кан астида өлгән ишчиларниң җәситини тапқан.

Аптоном район парткоминиң зувани " шинҗаң гезити", өлгәнләрниң дәпнә ишлири орунлаштуруливатқанлиқи хәвәр қилған. Үрүмчидики көмүр кан бихәтәрлик тәкшүрүш даирилириниң тонуштуришичә, вәқә йүз бәргәндә кан астида 7 нәпәр ишчи мәшғулат елип бериватқан болуп, ишчиларниң 3 нәпири қечип қутулған. Вәқә йүз бәргән көмүр кан, хитай көчмәнлириниң башқурушидики хусусийлар көмүр кени иди.

Көмүр канлар хитайда өлүм - йетим вәқәси әң көп йүз беридиған ишләпчиқирип орни. Хитай мәтбуатлириниң ашкарилишичә, 2004 - йили бир йил ичидә хитай бойичә көмүр кан қазалирида өлгән пуқраларниң сани 5 миңдин ашқан. Хитай һөкүмити, көмүр канлардики бихтәрликни күчәйтидиғанлиқи һәққидә вәдә бәргән болсиму бирақ, бу хил вәқәләр давамлиқ йүз берип кәлди. Бәзи көзәткүчиләр, хитай һөкүмитини мустәқил ишчилар уюшмиси қурушға йол қоюп, ишчилар мәнпәәтини қоғдашқа чақирмақта.(Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт