Pukangdiki kömür kanda yüz bergen gaz partlash weqeside adem öldi


2005.01.03
Share on WhatsApp
Share on WhatsApp

Aldinqi küni Uyghur aptonom rayonining pukang nahiyisidiki keyshi 2 - kömür kénida gaz partlash weqesi yüz bérip, töt adem öldi. Bir adem yarilandi. Xewerlerge qarighanda, kan astida ölgen ishchilarning jesitini tapqan.

Aptonom rayon partkomining zuwani " shinjang géziti", ölgenlerning depne ishliri orunlashturuliwatqanliqi xewer qilghan. Ürümchidiki kömür kan bixeterlik tekshürüsh da'irilirining tonushturishiche, weqe yüz bergende kan astida 7 neper ishchi meshghulat élip bériwatqan bolup, ishchilarning 3 nepiri qéchip qutulghan. Weqe yüz bergen kömür kan, xitay köchmenlirining bashqurushidiki xususiylar kömür kéni idi.

Kömür kanlar xitayda ölüm - yétim weqesi eng köp yüz béridighan ishlepchiqirip orni. Xitay metbu'atlirining ashkarilishiche, 2004 - yili bir yil ichide xitay boyiche kömür kan qazalirida ölgen puqralarning sani 5 mingdin ashqan. Xitay hökümiti, kömür kanlardiki bixterlikni kücheytidighanliqi heqqide wede bergen bolsimu biraq, bu xil weqeler dawamliq yüz bérip keldi. Bezi közetküchiler, xitay hökümitini musteqil ishchilar uyushmisi qurushgha yol qoyup, ishchilar menpe'etini qoghdashqa chaqirmaqta.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.