Ақсуда бир башланғуч мәктәпниң оқутуш бинасида вәқә йүз берип, бир оқуғучи өлди


2005-10-17
Share

Дүшәнбә күни уйғур аптоном райониниң ақсу шәһиридики бир башланғуч мәктәптә оқутуш бинаси пәләмпийиниң саласуни өрүлүп кетип, бир оқуғучи өлди, 64 оқуғучи яриланди. Хәвәрләргә қариғанғанда вәқә йүз бәргәндә оқуғучилар синиптин мәктәп қорусиға әтигәнлик байрақ чиқириш мурасими өткүзүшкә маңған икән.

Вәқә шинҗаң ишләпчиқириш қурулуш биңтүәни 1 - дивизийисиниң ақсу шәһиридики 2 - оттура мәктипигә қарашлиқ шөбә башланғуч мәктипидә йүз бәргән. Хитай мәтбуатлири, вәқәниң оқуғучилар пәләмпәйгә кәплишип қалғанлиқтин йүз бәргәнликини билдүрмәктә. Вәқәдә һазирғичә бир оқуғучи өлгән, 64 яриланған болуп, яридарлар ақсу вилайәтлик 1 - хәлқ дохтурханисиға елип берилған.

Бу йил 8 - айларда биңтүәндики шаңхәйлик бәзи хитайлар юртиға қайтишни тәләп қилип, исян чиқарған иди. Хитай мәркизий һөкүмити муавин баш министир хуаң җүйни уйғур илиға әвәткән. У, ақсу қатарлиқ җайларни көздин көчүрүп, биңтүәндики хитайларниң иҗтимаий параванлиқи, хитай баллилириниң оқутуш вә маарип әһвалини яхшилаш тоғрисида вәдә бәргән.

Хитай даирилири биңтүәнни "шәрқий түркистан күчлиригә қарши алдинқи сәп қорғини, дәп қаримақта. Әмма уйғур тәшкилатлири биңтүәнни " исми - җисмиға лайиқ мустәмликичилик оргини" дәп әйибләп кәлди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт