Cherchende 6 kishi patqaq gazida qaza qildi

• 
  2006-05-08

Yekshenbe küni Uyghur éli bayin'ghulin oblastining cherchen nahiyisidiki melum bir su pompilash shirkitining 6 neper ishchisi patqaq gazida zeherlinip ölgen.

Xitay xewer agéntliqining melum qilishiche, mezkur su pompilash shirkiti yekshenbe küni chüshtin kéyin yer asti su pompilash séstimisi üstidin tekshürüsh élip bériwatqanda, bir neper ishchi éhtiyatsizliqtin su pompilash quduqigha chüshüp ketken.

Shu sewebtin 6 neper ishchi bu kishini qutquzush üchün quduqqa chüshken. Netijide quduq astidiki patqaq gazining qoyuqluq derijisi bir qeder yuqiri bolghanliqtin bu ishchilar zeherlinip qalghan. Gerche bashqa türkümdiki qutquzush xadimliri az dégende 3 sa'et waqit serp qilip bu ishchilarni tépip chiqqan bolsimu, ularning arisida 6 si ölüp bolghan iken. Melum bolushiche, hayat qalghan bir kishi hazirghiche doxturxanida qutquzulmaqta.

Xitayda xizmet jeryanida kélip chiqidighan hadisiler köp körilidighan bolup, xitay xizmet sewebidin ölgenler sani dunya boyiche eng köp dölet hésablinidiken. (Peride)