Чәрчәндә 6 киши патқақ газида қаза қилди


2006.05.08
Share on WhatsApp
Share on WhatsApp

Йәкшәнбә күни уйғур ели байинғулин областиниң чәрчән наһийисидики мәлум бир су помпилаш ширкитиниң 6 нәпәр ишчиси патқақ газида зәһәрлинип өлгән.

Хитай хәвәр агентлиқиниң мәлум қилишичә, мәзкур су помпилаш ширкити йәкшәнбә күни чүштин кейин йәр асти су помпилаш сестимиси үстидин тәкшүрүш елип бериватқанда, бир нәпәр ишчи еһтиятсизлиқтин су помпилаш қудуқиға чүшүп кәткән.

Шу сәвәбтин 6 нәпәр ишчи бу кишини қутқузуш үчүн қудуққа чүшкән. Нәтиҗидә қудуқ астидики патқақ газиниң қоюқлуқ дәриҗиси бир қәдәр юқири болғанлиқтин бу ишчилар зәһәрлинип қалған. Гәрчә башқа түркүмдики қутқузуш хадимлири аз дегәндә 3 саәт вақит сәрп қилип бу ишчиларни тепип чиққан болсиму, уларниң арисида 6 си өлүп болған икән. Мәлум болушичә, һаят қалған бир киши һазирғичә дохтурханида қутқузулмақта.

Хитайда хизмәт җәрянида келип чиқидиған һадисиләр көп көрилидиған болуп, хитай хизмәт сәвәбидин өлгәнләр сани дуня бойичә әң көп дөләт һесаблинидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.