Qeshqerde yüz bergen 21 - may qatnash weqeside ölgenler 15 ke yetti


2006-05-29
Share

Uyghur aptonom rayonining qeshqer shehiridin yéngisar nahiyisige kétiwatqan yoluchilar aptobusi qeshqer yéngisheher nahiyisi tewesidin ötüp kétiwatqanda yüz bergen qatnash weqeside ölgenler hazirghiche 15 ke yetti. Xitay metbu'atlirining xewer qilishiche, weqede iz dériki élinalmighan bir ösmür balining jesiti 28 - may küni tépilghan.

Bu ayning 21 - küni qeshqer shehiridin yéngisar nahiyisige mangghan bir yoluchilar aptobusi yéngisheher nahiyisining qumbash etrapida bir körüktin ötüwétip kontrolni yoqutup qoyghan we aptobus deryagha chüshüp kétip aptobusdiki 33 yoluchining 13 nepiri ölgen, 2 ösmür bala iz déreksiz yoqalghan, 18 yoluchi yarilan'ghan idi. Iz - déreksiz yoqalghan balilarning birining jesiti yekshenbe küni etigen sa'et 8:00 lerde yéngisheher nahiyisining yamanyar yézisidiki derya éqinidin tépildi. Jeset tépilghan jay qatnash weqesi yüz bergen yerdin 42 kilométir yiraqliqta.

Aptobusni rozi memet isimlik bir Uyghur yash heydigen idi. Bu Uyghur aptonom rayonida bu yil ichide yüz bergen eng éghir qatnash weqelirining biri bolup hésablinidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet