Ürümchi shehiride yüz bergen ghelite qatnash weqeside doxtur we saqchilar öldi

Uyghur aptonom rayonining merkizi ürümchide jüme küni arqa - arqidin ghelite qatnash weqesi yüz bérip 7 adem öldi. Ölgenler ichide qatnash weqesi yüz bergen jaygha yétip barghan we weqeni bir terep qilmaqchi bolghan 3 qutquzush xadimi bilen 2 saqchi bar.

Shinxu'a axbarat agéntliqining xewer qilishiche, qatnash weqesi 23 - iyun küni ürümchi shehirining xéten téz sür'etlik tash yolida yüz bergen bolup, shu küni etigen sa'et 4: 00 lerde bir mashina chong yolni késip ötüwatqan 2 kishini uruwetken. Weqedin kéyin saqchilar we qutquzush xadimliri neq meydan'gha yétip kélip yaridarlarni qutquzuwatqanda yoldin ötüwatqan yene bir mashina saqchi we qutquzush xadimlirini soqiwitip, 2 saqchi we 3 neper qutquzush xadimining ölüshini keltürüp chiqarghan.

Shinxu'a axbarat agéntliqi bu heqtiki xewiride "yuqiri sür'etlik bir yük mashinisi birinchi qétim yüz bergen qatnash weqesini bir terep qiliwatqan saqchi we doxturlarni uruwetti " deydu.

Birinchi qétim weqe peyda qilip 2 ademning ölüshini keltürüp chiqarghan shopur mashinisi bilen qéchip ketken. 2 - Qétim weqe sadir qilghan mashinining shopuri qolgha élindi. Saqchilar qéchip ketken mashinining shopurini pash qilghuchilargha 10 ming yü'en mukapat béridighanliqini élan qilghan. (Erkin)