Altay we turpandiki taghlardin lay-latqa sérilish weqeliride 15 kishi öldi

• 
  2006-07-05

Yéqinda Uyghur élining altay wilayiti we turpanda taghlardin lay-latqa sérilish weqeliri körülüp, 15 kishi qaza qildi.

Xitay xewer agéntliqining xewer qilishiche, altay rayonida uda yaghqan yamghur sewebidin altay shehirining taghliq rayonlirida lay-latqa sérilish weqeliri körülüp, bu yerdiki 4 charwichi a'ilining chédir öylirini éqitip ketken hemde 5 neper charwichi qaza qilghan.

Buningdin bashqa yene turpanda taghdin éqip chüshken lay-latqilar bu yerdiki tömür yolning bir qisim bölikini éqitip ketken hemde shu sewebtin 10 neper qurulush ishchisi ölgen. Xewerdin melum bolushiche, munasiwetlik orunlar hazir qutquzush ishlirini élip barmaqta. Shundaqla weyran bolghan tömür yol böleklirimu qayta yasilip pütken.

Bu yil yaz kelgendin buyan Uyghur éli hawa kélimatining turaqsiz bolushi we höl-yighinning köp bolushi sewebidin mushuninggha oxshash kelkün we lay-latqa sérilsh apetliri köp körülmekte. (Peride)