Uyghur élide bultur ish üstidiki türlük weqelerde 3122 adem ölgen

Uyghur élining hökümet axbaratlirining xewer qilishiche, 2006 - yili bir yil ichide Uyghur élide jem'iy on ikki ming qétimdin artuq ishlepchiqirish hadisiliri körülgen bolup, buning ichide kan weqeliri 73 qétim yüz bergen. Bu xil hadisilerde ölgenler sani 3122 ge yetken.

Bu weqeler ichide üchtin toqquzghiche adem ölüshni keltürüp chiqarghan weqedin 66 qétim yüz bérip jem'iy 245 adem ölgen. Töt qétim ondin artuq ademning ölüshini keltürüp chiqarghan zor weqeler yüz bergen.

Ashkarilinishiche Uyghur élide ötken bir yilda yüz bergen türlük ishlepchiqirish hadisiliride 76milyon 320 ming yüen iqtisadi ziyan körülgen. Uyghur éli da'iriliri bultur yüz bergen ishlepchiqirish ölüm hadisilirige jawabkarliqi bolghan 48 kishige jaza körgen.

Gerche bultur ishlepchiqirish hadisiliri ilgiriki yillargha qarighanda nisbeten azlighan bolsimu, emma kan weqelirining nisbiti burunqidin 33% yuqirilighan bolghachqa Uyghur élining bixeter ishlepchiqirish weziyiti yenila nachar halette turmaqta iken. (Gülchéhre)