Аптоном район сиясий кеңәш әзаси вәтәнпәрвәрлик тәрбийисини тәкитлиди


2006.01.25
Share on WhatsApp
Share on WhatsApp

Уйғур аптоном районлуқ сиясий кеңәшниң 9‏-нөвәтлик 4‏-йиғинида кеңәш әзаси ваң зәйле, уйғур елидә вәтәнпәрвәрлик тәрбийисини техиму күчәйтиш тәклипини оттуриға қойди.

У сөзидә, " һазир уйғур елидики бәзи вәтәнпәрвәрлик тәрбийисини беридиған базилар һәқсиз ечип берилмигәчкә, вәтәнпәрвәрлик тәрбийиси уйғур елидә тосалғуға учраватиду" деди. У йәнә, уйғур елидә вәтәнпәрвәрлик тәрбийисини елип беришниң зөрүрликини тәкитләп, буни болупму яш-өсмүрләрдин башлаш керәкликини билдүрди.

Аптоном районлуқ сиясий кеңәш әзаси ваң зәйле йиғинда, вәтәнпәрвәрлик тәрбийә хизмәтлири үчүн һөкүмәт малийәсидин пул аҗритиштин башқа йәнә, җәмийәттинму һәр тәрәплимә мәбләғ топлаш керәкликини ейтти.

У тәклипидә йәнә, уйғур елидә вәтәнпәрвәрлик идийисини тәрбийиләш фонди җәмийити қуруп, буниңға аммидин вә җәмийәттики һәр қайси карханилардин мәбләғ топлаш арқилиқ бу хизмәтниң уйғур елидә паал қанат йейишини капаләтләндүрүш лазимлиқини көрсәтти.

Хитай коммунист партийисиниң сиясий тәшвиқати уйғур елидә бир қәдәр күчлүк болуп, бу хилдики вәтәнпәрвәрлик тәрбийилири һәтта диний затларғиму мәҗбурий теңилиду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.