Aptonom rayon siyasiy kéngesh ezasi wetenperwerlik terbiyisini tekitlidi


2006.01.25
Share on WhatsApp
Share on WhatsApp

Uyghur aptonom rayonluq siyasiy kéngeshning 9‏-nöwetlik 4‏-yighinida kéngesh ezasi wang zeylé, Uyghur élide wetenperwerlik terbiyisini téximu kücheytish teklipini otturigha qoydi.

U sözide, " hazir Uyghur élidiki bezi wetenperwerlik terbiyisini béridighan bazilar heqsiz échip bérilmigechke, wetenperwerlik terbiyisi Uyghur élide tosalghugha uchrawatidu" dédi. U yene, Uyghur élide wetenperwerlik terbiyisini élip bérishning zörürlikini tekitlep, buni bolupmu yash-ösmürlerdin bashlash kéreklikini bildürdi.

Aptonom rayonluq siyasiy kéngesh ezasi wang zeylé yighinda, wetenperwerlik terbiye xizmetliri üchün hökümet maliyesidin pul ajritishtin bashqa yene, jem'iyettinmu her tereplime meblegh toplash kéreklikini éytti.

U teklipide yene, Uyghur élide wetenperwerlik idiyisini terbiyilesh fondi jem'iyiti qurup, buninggha ammidin we jem'iyettiki her qaysi karxanilardin meblegh toplash arqiliq bu xizmetning Uyghur élide pa'al qanat yéyishini kapaletlendürüsh lazimliqini körsetti.

Xitay kommunist partiyisining siyasiy teshwiqati Uyghur élide bir qeder küchlük bolup, bu xildiki wetenperwerlik terbiyiliri hetta diniy zatlarghimu mejburiy téngilidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.