يىپەك يولىنى جانلاندۇرۇش پىلانى "ئورتاق ۋىزا" تۈزۈمى يولغا قويۇلۇشنى كۆزلەيدۇ


2005-02-18
Share

ب د ت ، خىتاي ۋە ئوتتۇرا ئاسىيا دۆلەتلەر يىپەك يولنى جانلاندۇرۇش پروگراممىسى بويىچە، خىتاي بىلەن ئوتتۇرا ئاسىيادىكى دۆلەتلەر ئارىسىدا " ئورتاق ۋىزا تۈزۈمى" نى يولغا قويۇش مۈمكىنچىلىكىنى سىناپ كۆرىدىكەن. خوڭكوڭدا چىقىدىغان "ۋېن خۇي گېزىتى"، خىتاي بىلەن ئوتتۇرا ئاسىيادىكى دۆلەتلەرئارىسىدا " ئورتاق ۋىزا تۈزۈمى" يولغا قويۇش مۈمكىنچىلىكى بارلىقىنى بىلدۈردى.

ئامېرىكا بىرلەشمە ئاخبارات ئاگېنتلىقىنىڭ خەۋەر قىلىشىچە، يىپەك يولىنى جانلاندۇرۇش پروگراممىسىغا بىر مىليون دوللار ئاجرىتىلغان، ب د ت نىڭ قوللىشىدىكى پروگراممىغا خىتاي، قازاقىستان، قىرغىزىستان، تاجىكىستان ۋە ئۆزبېكىستانلار قاتنىشىدىكەن.

"ۋېن خۇي گېزىتى" نىڭ بىلدۈرۈشىچە، ئەگەر پروگراممىدىكى " ئورتاق ۋىزا" تۈزۈمى ئەمەلگە ئاشسا، خىتاي بىلەن قازاقىستان، قىرغىزىستان، تاجىكىستان ۋە ئۆزبېكىستانلارغا بېرىش ئۈچۈن، يۇقىرى دۆلەتلەرنىڭ بىرىنىڭ ۋىزىسىنى ئېلىش كۇپايە قىلىدىكەن.

ب د ت تەرەققىيات - پىلان كومىتېتىنىڭ بېيجىڭدىكى ۋەكىلى خالىد مالىك، " ئورتاق ۋىزا" تۈزۈمىنىڭ 2 - 3 يىل ئىچىدە ئەمەلىيلىشىشىنى ئۈمىد قىلغان. مالىد مالىك ، يىپەك يولى ئۈستىدىكى رايونلاردا سودا ۋە ساياھەتچىلىكنى راۋاجلاندۇرۇش ئارقىلىق بۇ رايوندىكى نامراتلىقنى تۈگۈتۈش مۇمكىن، چۈنكى" تېرورچىلىقنىڭ مەنبەئەسى نامراتلىق،" دەپ قارايدىكەن. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت