Йипәк йолини җанландуруш пилани "ортақ виза" түзүми йолға қоюлушни көзләйду


2005-02-18
Share

Б д т , хитай вә оттура асия дөләтләр йипәк йолни җанландуруш программиси бойичә, хитай билән оттура асиядики дөләтләр арисида " ортақ виза түзүми" ни йолға қоюш мүмкинчиликини синап көридикән. Хоңкоңда чиқидиған "вен хуй гезити", хитай билән оттура асиядики дөләтләрарисида " ортақ виза түзүми" йолға қоюш мүмкинчилики барлиқини билдүрди.

Америка бирләшмә ахбарат агентлиқиниң хәвәр қилишичә, йипәк йолини җанландуруш программисиға бир милйон доллар аҗритилған, б д т ниң қоллишидики программиға хитай, қазақистан, қирғизистан, таҗикистан вә өзбекистанлар қатнишидикән.

"Вен хуй гезити" ниң билдүрүшичә, әгәр программидики " ортақ виза" түзүми әмәлгә ашса, хитай билән қазақистан, қирғизистан, таҗикистан вә өзбекистанларға бериш үчүн, юқири дөләтләрниң бириниң визисини елиш купайә қилидикән.

Б д т тәрәққият - пилан комитетиниң бейҗиңдики вәкили халид малик, " ортақ виза" түзүминиң 2 - 3 йил ичидә әмәлийлишишини үмид қилған. Малид малик , йипәк йоли үстидики районларда сода вә саяһәтчиликни раваҗландуруш арқилиқ бу райондики намратлиқни түгүтүш мумкин, чүнки" терорчилиқниң мәнбәәси намратлиқ," дәп қарайдикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт