Yipek yolini janlandurush pilani "ortaq wiza" tüzümi yolgha qoyulushni közleydu

B d t , xitay we ottura asiya döletler yipek yolni janlandurush programmisi boyiche, xitay bilen ottura asiyadiki döletler arisida " ortaq wiza tüzümi" ni yolgha qoyush mümkinchilikini sinap köridiken. Xongkongda chiqidighan "wén xuy géziti", xitay bilen ottura asiyadiki döletler'arisida " ortaq wiza tüzümi" yolgha qoyush mümkinchiliki barliqini bildürdi.

Amérika birleshme axbarat agéntliqining xewer qilishiche, yipek yolini janlandurush programmisigha bir milyon dollar ajritilghan, b d t ning qollishidiki programmigha xitay, qazaqistan, qirghizistan, tajikistan we özbékistanlar qatnishidiken.

"Wén xuy géziti" ning bildürüshiche, eger programmidiki " ortaq wiza" tüzümi emelge ashsa, xitay bilen qazaqistan, qirghizistan, tajikistan we özbékistanlargha bérish üchün, yuqiri döletlerning birining wizisini élish kupaye qilidiken.

B d t tereqqiyat - pilan komitétining béyjingdiki wekili xalid malik, " ortaq wiza" tüzümining 2 - 3 yil ichide emeliylishishini ümid qilghan. Malid malik , yipek yoli üstidiki rayonlarda soda we sayahetchilikni rawajlandurush arqiliq bu rayondiki namratliqni tügütüsh mumkin, chünki" térorchiliqning menbe'esi namratliq," dep qaraydiken. (Erkin)