Dunyaning her qaysi jayliridiki Uyghurlar sherqiy türkistan jumhuriyitini xatirilidi

1933 - We 1944 - yilliri qurulghan sherqiy türkistan jumhuriyetlirini xatirilesh dunyaning her qaysi jayliridiki Uyghurlar üchün bir en'ene bolup qalmaqta.

12 - Noyabir küni kechte amérikidiki Uyghurlar washin'gton alahide rayoni etrapigha yighilip, qeshqerni merkez qilghan sherqiy türkistan islam jumhuriyitining 71 yilliqi, ghuljini merkez qilghan sherqiy türkistan jumhuriyitining 60 yilliqini xatirlesh pa'aliyiti ötküzdi. Amérikidiki pa'aliyetke amérikidiki Uyghurlardin sirt türkiye, qazaqistan, qirghizisitan, kanada qatarliq döletlerdin kelgen mihmanlar ishtiraq qildi. Xatirilesh pa'aliyiti ramizan munasiwiti bilen iptar waqtigha orunlashturulghan.

Xatirlesh pa'aliyitining échilish murasimida amérika Uyghur jemi'iyitining re'isi nuri türkel söz qildi. Qazaqistanda yashaydighan sabiq milli armiye kapitani mesumjan zulpiqarof, sherqiy türkistan jumhuriyiti dewridiki eslimirilirini tonushturdi. Sherqiy türkistan milli armiyisining herbiy pormisi körgezme qilindi. Shuning bilen birge amérikidiki ösmürler we chonglar teripidin teyyarlan'ghan her xil sen'et nomurliri körsitildi. Bu qétimqi pa'aliyetni amérika Uyghur jem'iyiti teshkilligen. (Erkin)