Uyghur rayonida ikki amérika shirkiti üstidin taqash buyruqi chiqirildi
2007.10.10
Xristi'an axbarat torining 10 -öktebir téksastin xewer qilishiche, xitay da'iriliri , Uyghur rayonida tijaret bilen shughulliniwatqan ikki amérika shirkitini, xristi'an terghibatchiliqi bilen eyiblep, shirketning tijaret kinishkisini bikar qilghan hem shirket igilirining xitayda turush wizisini emeldin qaldurghan.
Mezkur axbarat tori bu xewerni amérikining téksas shtatida pa'aliyet élip bériwatqan xitay hemkarliq jem'iyiti teripidin qolgha chüshürülgen bir mexpiy höjjetke asaslinip igiligen. Mexpiy höjjet Uyghur rayonidiki melum bir wilayetning milliy ishlar idarisigha a'it bolup, höjjette, ikki shirkettin béri, 2000 -yildin buyan , tijaret nami astida qanunsiz diniy pa'aliyetler bilen shughullan'ghan dep eyiblen'gen hem konkrét pa'aliyetliri süpitide, xristi'anliq heqqide wez éytish, terghibat qilish we telimat matériyalliri tarqitish dep körsetken.
Taqilishqa buyrulghan shirketlerdin yene biri Uyghur rayonida 16 yildin béri tijaret qiliwatqan bolup bu shirketmu oxshash namda eyiblinish bilen bille, tijaret kinishkisi inawetsiz qilin'ghan we shirket sahibining xitayda turushluq wizisi inawetsiz qilinip, 30 -séntebirge qeder chégradin chiqip kétish emri bérilgen.
Xewerde yene, Uyghur rayonidiki ikki yerlik shirketningmu, xiristi'an terghibatchiliqi bilen jazalan'ghanliqi bildürülgen.
Mezkur xewer tori, yéqinqi alte ay ichide, Uyghur rayonidin 50 tin artuq xiristi'anning qanunsiz diniy pa'aliyet bilen shughullandi dep eyiblinip chégradin chiqirilghanliqi bildürülgen. Xitay hemkarliq jem'iyiti bu heqte " diniy pa'aliyetlerge chétip turup, tijarettin cheklesh xitaydiki yene bir tür diniy bésimdur" dep bildürgen.
Munasiwetlik maqalilar
- Xitay diniy sahege qaratqan bésimini yenimu kücheytmekte
- Xitay hökümiti Uyghur diniy zatlirini kompartiye siyasitige boysundurushqa urunmaqta
- Xitay hökümiti qizilsu oblastida bu yil yene 420 diniy zatni "wetenperwer " qilip terbiyilimekchi
- Aqsuda diniy zatlar siyasiy bésimgha uchrimaqta
- Xitay kompartiyisi Uyghur élide milliy hem diniy ishlarni bashqurushni yenimu kücheytmekchi
- Uyghur aptonom rayonining chingsixoza bazirida saqchilar xristi'an muritlirini tutup ketti
- Xitay hökümiti diniy zatlarni öz xa'ishi boyiche terbiyelewatqanliqini bildürmekte
- Uyghur élide yene bir xrist'an misyuniri qolgha élindi
- Xitay hökümiti bu yilqi ramizan éyidimu Uyghurlarning normal diniy pa'aliyirini cheklidi
- Amérika: xitay Uyghurlarning diniy erkinlikini boghmaqta