Уйғур елидә бир йәр асти черкавиға сақчилар бесип кирди

2007-08-06
Елхәт
Пикир
Share
Принт

Ишәнчлик мәлуматларға қариғанда, уйғур елидә турушлуқ хитай йеза игилик биңтүәни тәвәсидики бир йәр асти черкавиға сақчилар бастуруп кирип, черкав әзалирини қолға алған. Бәзи черкав әзалири сорақ җәрянида қейин ‏- қистаққа елинған.

Мәлум болушичә, 1- июн күни, 10 нәпәр хитай җамаәт хәвпсизлик сақчилири гав фамилилик бир христиан муритиниң өйигә бастуруп кирип, гав әпәндини вә башқа 6 нәпәр черкав әзасини қолға алған һәмдә 12 саәт тутуп туруп қоювәткән.

Баш штаби тексас штатиға җайлашқан хитайдики христианларниң әһвалини көзәткүчи дини тәшкилат: хитайға ярдәм бериш җәмийитиниң 6- авғуст хәвәр қилишичә, тутқун қилинған черкав әзалиридин бирси сорақ җәрянида тән җазасиға учриған. Хитай сақчилири, ахтуруш буйруқи болмиған әһвал астида, гав әпәндиниң өйини ахтурған вә инҗил, календар, доска қатарлиқ буюмларни "қанунсиз диний материяллар" сүпитидә мусадирә қилған. Сақчи даирилири бу христиан муритлирини " мәсулийәт капаләтнамиси" гә мәҗбурий қол қойдурувалған.

Мәзкур йәр асти черкави, хитайниң уйғур елидә турушлуқ йеза игилик қурулуш биңтүәни 3- девизийиси 49- полки тәвәсидә икән.

Хитайға ярдәм бериш җәмийити, хитай һөкүмитиниң бу қилмишлирини әйиблиди вә биңтүән 3- девизийиси 49 - полкини тарих долқуниға әгишип, мәҗбурий қол қойдурувалған капаләтнамларни бикар қилишқа вә уйғур елидики христианларға дини әркинлик беришкә қистиди. (Җүмә)

Пикирләр (0)
Share
Толуқ бәт