Uyghur élide bir yer asti chérkawigha saqchilar bésip kirdi

2007-08-06
Élxet
Pikir
Share
Print

Ishenchlik melumatlargha qarighanda, Uyghur élide turushluq xitay yéza igilik bingtüeni tewesidiki bir yer asti chérkawigha saqchilar basturup kirip, chérkaw ezalirini qolgha alghan. Bezi chérkaw ezaliri soraq jeryanida qéyin ‏- qistaqqa élin'ghan.

Melum bolushiche, 1- iyun küni, 10 neper xitay jama'et xewpsizlik saqchiliri gaw famililik bir xristi'an muritining öyige basturup kirip, gaw ependini we bashqa 6 neper chérkaw ezasini qolgha alghan hemde 12 sa'et tutup turup qoyuwetken.

Bash shtabi téksas shtatigha jaylashqan xitaydiki xristi'anlarning ehwalini közetküchi dini teshkilat: xitaygha yardem bérish jem'iyitining 6- awghust xewer qilishiche, tutqun qilin'ghan chérkaw ezaliridin birsi soraq jeryanida ten jazasigha uchrighan. Xitay saqchiliri, axturush buyruqi bolmighan ehwal astida, gaw ependining öyini axturghan we injil, kaléndar, doska qatarliq buyumlarni "qanunsiz diniy matériyallar" süpitide musadire qilghan. Saqchi da'iriliri bu xristi'an muritlirini " mes'uliyet kapaletnamisi" ge mejburiy qol qoyduruwalghan.

Mezkur yer asti chérkawi, xitayning Uyghur élide turushluq yéza igilik qurulush bingtüeni 3- déwiziyisi 49- polki teweside iken.

Xitaygha yardem bérish jem'iyiti, xitay hökümitining bu qilmishlirini eyiblidi we bingtüen 3- déwiziyisi 49 - polkini tarix dolqunigha egiship, mejburiy qol qoyduruwalghan kapaletnamlarni bikar qilishqa we Uyghur élidiki xristi'anlargha dini erkinlik bérishke qistidi. (Jüme)

Pikirler (0)
Share
Toluq bet