Хитай һөкүмити алтайдики бейтүн наһийисини шәһәр қилип кеңәйтти


2007-12-31
Share

Хитай ахбарат агентлиқиниң хәвәр қилишичә, уйғур или алтай вилайитиниң секретари җаң хәндуң, 29- декабир аптоном районлуқ һөкүмәтниң алтай тәвәсидики бейтүн наһийисини шәһәр қилип өзгәртиш пиланиниң тәстиқлиғанлиқини ашкарилиған.

Шинху агентлиқида ашкарилинишичә, йеңидин тәсис қилинған бейтүн шәһри, 21- әсир киргәндин буян уйғур елидә йеңидин қурулған 4- шәһәр болуп, 2004- йилида, тумшуқ шәһири, алар шәһири вә вуҗиячү шәһәрлири тәңла қурулған иди.

Хәвәрдә көрситишичә, җаң хәндуң мәзкур шәһәрниң тәбий екологийилик саяһәтчилик вә адәм яшаш маслаштурулған өзгичә шәһәр болуп қурулидиған лиқини билдүргән.

Дәрвәқә бейтүн шәһириниң җуғрапийилик орни саяһәтчиликкә итайин бап келидиған болуп, мәзкур шәһәр ертиш дәряси вә улүнгүр дәря вадисиға шундақла, қазақситан, моңғулийә қарарлиқ дөләтниң қатнаш түгүнигә җайлашқан тәбий гүзәл мунбәт земиндур.

Мәлум болушичә, бейтүн шәһири алтай районидики биңтуән йеза игилик 10 ‏- дивизийисиниң игидарчилиқидики , асасән хитайлар топлишип яшайдиған район болуп , илгири қурулған шәһәрләрдин вуҗиячү, алар вә тумшуқ шәһәрлириниң һәммисила биңтуән игидарчилиқидики полк ‏- мәйданларниң баш штаби орунлашқан җайлар икән.

Хитай ахбарат васитилири илгири бәргән хәвәрләргә қариғанда , 3 милйонға йеқин нопусқа игә биңтуән һазир уйғур елидә мәвҗут бостанлиқниң 50 пирсәнтини игиләп болған.

Биңтуән даирилири һазир өз игидарчилиқидики шәһәрләрни давамлиқ кеңәйтиватқан болуп, бу шәһәрләрниң һәммиси уйғур или ичидики истратегийилик орни интайин муһим орунларға җайлашқан.

Хитайларниң биңтуән қармиқидики шәһәрни һәдәп кеңәйтишидики асаслиқ мәқситиниң хитайларниң уйғур дияриға қаратқан мустәмликә асасини пухтилаштики сиясий қәдими дәп көрсәткән , илгири биңтуән қармиқидики шихәнзә университетида оқутқучилиқ қилған сияси көзәтчи илшат әпәнди: " уйғур елидә әзәлдин мәвҗут шәһәрләрдә уйғурларму яшайтти. Әмма хитай һөкүмитиниң һазир асасән хитайлар яшайдиған җайларда шәһәр бина қилиши, теги-тәктидин елип ейтқанда йәр игиләш, йеңи кәлгән хитайларға яшаш муһити һазирлаш вә уйғурларға қаратқан бастуруш, чәкләш тәсирини техиму ашуруш" дәп көрсәтти. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт