Xitay hökümiti altaydiki béytün nahiyisini sheher qilip kéngeytti


2007-12-31
Share

Xitay axbarat agéntliqining xewer qilishiche, Uyghur ili altay wilayitining sékrétari jang xendung, 29- dékabir aptonom rayonluq hökümetning altay tewesidiki béytün nahiyisini sheher qilip özgertish pilanining testiqlighanliqini ashkarilighan.

Shinxu agéntliqida ashkarilinishiche, yéngidin tesis qilin'ghan béytün shehri, 21- esir kirgendin buyan Uyghur élide yéngidin qurulghan 4- sheher bolup, 2004- yilida, tumshuq shehiri, alar shehiri we wujiyachü sheherliri tengla qurulghan idi.

Xewerde körsitishiche, jang xendung mezkur sheherning teb'iy ékologiyilik sayahetchilik we adem yashash maslashturulghan özgiche sheher bolup qurulidighan liqini bildürgen.

Derweqe béytün shehirining jughrapiyilik orni sayahetchilikke itayin bap kélidighan bolup, mezkur sheher értish deryasi we ulün'gür derya wadisigha shundaqla, qazaqsitan, mongghuliye qararliq döletning qatnash tügünige jaylashqan teb'iy güzel munbet zémindur.

Melum bolushiche, béytün shehiri altay rayonidiki bingtu'en yéza igilik 10 ‏- diwiziyisining igidarchiliqidiki , asasen xitaylar topliship yashaydighan rayon bolup , ilgiri qurulghan sheherlerdin wujiyachü, alar we tumshuq sheherlirining hemmisila bingtu'en igidarchiliqidiki polk ‏- meydanlarning bash shtabi orunlashqan jaylar iken.

Xitay axbarat wasitiliri ilgiri bergen xewerlerge qarighanda , 3 milyon'gha yéqin nopusqa ige bingtu'en hazir Uyghur élide mewjut bostanliqning 50 pirsentini igilep bolghan.

Bingtu'en da'iriliri hazir öz igidarchiliqidiki sheherlerni dawamliq kéngeytiwatqan bolup, bu sheherlerning hemmisi Uyghur ili ichidiki istratégiyilik orni intayin muhim orunlargha jaylashqan.

Xitaylarning bingtu'en qarmiqidiki sheherni hedep kéngeytishidiki asasliq meqsitining xitaylarning Uyghur diyarigha qaratqan mustemlike asasini puxtilashtiki siyasiy qedimi dep körsetken , ilgiri bingtu'en qarmiqidiki shixenze uniwérsitétida oqutquchiliq qilghan siyasi közetchi ilshat ependi: " Uyghur élide ezeldin mewjut sheherlerde Uyghurlarmu yashaytti. Emma xitay hökümitining hazir asasen xitaylar yashaydighan jaylarda sheher bina qilishi, tégi-tektidin élip éytqanda yer igilesh, yéngi kelgen xitaylargha yashash muhiti hazirlash we Uyghurlargha qaratqan basturush, cheklesh tesirini téximu ashurush" dep körsetti. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet