Gherbke yardem bergüchi "pida'iylar" eslide xizmet qayghusidiki köchmenler bolup chiqti


2007.10.05

Uyghur aptonom rayoni yashlar ittipaqi 2003 ‏- yildin bashlap ichkirilik xitaylarni Uyghur élide qerellik"pida'iy"bolup ishleshke teklip qilish pa'aliyiti yolgha qoyghandin buyan, özini Uyghur élide 1 yildin 2 yilghiche pida'iy bolush ishleshke tizimlatqan 3900 ge yéqin xitayning az kem 4 den biri, pida'iyliq qereli toshqandin kéyin yurtigha qaytmay Uyghur élide xizmet tépip yerliship qalghan.

Shinxu'a axbarat agéntliqi, Uyghur élide yerliship qalghan atalmish pida'iylarning 700 ge yétidighanliqini bildürdi. Bu kishiler yashlar ittipaqining Uyghur élige yardem bérish shu'ari astida toxtam bilen "pida'iy" bolup ishleshke kelgenler bolup, ular asasen jiminey qatarliq chégra rayonlardiki chet nahiyilerde ishligen we qereli toshqandin kéyin yurtigha qaytmay bu nahiyilerde xizmet tépip qélip qalghan.

Uyghur aptonom rayoni yashlar ittipaqi teshwiqat bölümining mu'awin bashliqi sey rénrung, Uyghur élide qalghan "pida'iylar"ning ma'arip, sehiye - salametlik we yéza igilik , téxnika saheside xizmet tapqanliqini bildürmekte. Xitay metbu'atlirining eskertishiche, jiminey nahiyisige orunlashturulghan 132 neper "pida'iy"ning 37 nepiri mushu nahiyining özide qalghan.

Chet'eldiki Uyghur teshkilatliri eng tekitleydighan chaqiriqlarning biri, xitay köchmenlirini yötkeshni toxtitishtur . Uyghur aptonom rayonining re'isi isma'il tiliwaldi, ilgiri rayon'gha kéliwatqan xitay köchmenlirini teshkillik emes, bazar igilikining éhtiyajidin kéliwatqanlar, dep tekitligen bolsimu, lékin xitay da'irilirining rayon'gha teshkillik halda köchmen yötkewatqanliqini ilgiri sürgüchi teshkilatlar, xitay köchmenlirini Uyghurlarning medeniyitini, rayonning muhitini weyran qilish rolini oynawatidu, dep eyiblimekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.