خىتايدا ھەر يىلى 10 مىڭ بالا دورا يەپ گاس بولۇپ قالىدۇ


2007-04-13
Share

خىتايدا مېدىتسىنا دورىلىرىنىڭ قالايمىقان ئىشلىتىلىش سەۋەبىدىن ھەر يىلى 10 مىڭ بالا گاس بولۇپ قالىدىكەن.

رويتېرس ئاگېنتلىقى 13 ‏- ئاپرىل بەرگەن خەۋەرىدە خىتاي مەتبۇئاتلىرىدىن نەقىل كەلتۈرۈشىچە، خىتاي گاسلار سالامەتلىكىنى ئەسلىگە كەلتۈرۈش تەتقىقات مەركىزى مۇئاۋىن دىرېكتورى جېن شېڭ مۇنداق دەيدۇ: "بۇنىڭدىكى ئاساسىي سەۋەبكار بولسا ئانتى-بىئوتىك ( باكتېرىيىگە قارشى تۇرغۇچى دورىلار) نىڭ ئۆلچەمسىز ئىشلىتىلىشى." خەۋەردە قەيت قىلىنىشىچە يەنە، خىتايدا ئاتا-ئانىلار ئانتى-بىئوتىكلارغا ۋە ھايانكەشلەردىن سېتىۋالغان دورىلارنى يېزىپ بېرىدىغان دوختۇرلارغا قارىغۇلارچە چوقۇنىدىكەن. مەزكۇر مەركەزنىڭ دىرېكتورى لىيۇ جىنفېڭ، دوختۇرلار بالىلارنىڭ ئاڭلاش سەزگۈلىرىگە تەسىر قىلىش ئېھتىماللىقى بولغان دورىلارنى ئوبدان بىلىشى كېرەك، دەيدۇ.

خىتاي ھۆكۈمەت خادىملىرىنىڭ تەخمىن ئىتىشىچە، ھەر يىلى 30 مىڭچە بالا ئىرسىيەت، يۇقۇملىنىش ۋە پايدىسىز دورىلارنىڭ رىئاكسىيەلىرى قاتارلىق سەۋەبلەر بىلەن ئاڭلاش ئىقتىدارىدىن مەھرۇم بولىدىكەن.

گەرچە خىتاي ھۆكۈمىتى ئانتى-بىئوتىكلارنى ئېلىشنى سەل قىيىنلاشتۇرغان بولسىمۇ، بەزى خىتاي دوختۇرخانىلىرى پايدا ئۈچۈن قىممەت باھالىق ئانتى-بىئوتىكلارنى ھالىغانچە ساتىدىكەن. (جۇمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت