Xitayda her yili 10 ming bala dora yep gas bolup qalidu


2007-04-13
Share

Xitayda méditsina dorilirining qalaymiqan ishlitilish sewebidin her yili 10 ming bala gas bolup qalidiken.

Roytérs agéntliqi 13 ‏- april bergen xeweride xitay metbu'atliridin neqil keltürüshiche, xitay gaslar salametlikini eslige keltürüsh tetqiqat merkizi mu'awin diréktori jén shéng mundaq deydu: "buningdiki asasiy sewebkar bolsa anti-bi'otik ( baktériyige qarshi turghuchi dorilar) ning ölchemsiz ishlitilishi." Xewerde qeyt qilinishiche yene, xitayda ata-anilar anti-bi'otiklargha we hayankeshlerdin sétiwalghan dorilarni yézip béridighan doxturlargha qarighularche choqunidiken. Mezkur merkezning diréktori liyu jinféng, doxturlar balilarning anglash sezgülirige tesir qilish éhtimalliqi bolghan dorilarni obdan bilishi kérek, deydu.

Xitay hökümet xadimlirining texmin itishiche, her yili 30 mingche bala irsiyet, yuqumlinish we paydisiz dorilarning ri'aksiyeliri qatarliq sewebler bilen anglash iqtidaridin mehrum bolidiken.

Gerche xitay hökümiti anti-bi'otiklarni élishni sel qiyinlashturghan bolsimu, bezi xitay doxturxaniliri payda üchün qimmet bahaliq anti-bi'otiklarni halighanche satidiken. (Jume)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet