Rusiye kéler yildin bashlap atasu - alataw néfit turuba yolidin xitaygha néfit mangduqmaqchi

Xitay metbu'atliri, rusiye bilen xitayning kéler yili 1 - aydin bashlap rusiye néfitini qazaqistan - Uyghur aptonom rayoni arisidiki atasu - alataw néfit turuba yolidin xitaygha toshumaqchi boluwatqanliqini xewer qildi.

Shangxeyde chiqidighan "birinchi maliye - iqtisad géziti" ning xewer qilishiche, rusiye döletlik néfit shirkitining mudiri bogdanchikow, mezkur shirketning xitay terep bilen xitayni yilda atasu - alataw néfit turuba yolidin bir milyon 500 ming tona néfit bilen teminleshke pütüshkenlikini bildürgen. U, bu kélishim xitayning qaysi shirkiti bilen imzalan'ghanliqini tilgha almighan bolsimu, lékin rusiye néfit shirkiti bu kélishimning rusiye énérgiye ministirliki testiqlinishini kütüwatqanliqini bildürdi.

Nöwette rusiye néfit shirkiti xitayni her yili tömür yol arqiliq 8 milyon 800 ming tona néfit bilen teminlep kelmekte. Rusiye néfit transport shirkitining mudiri wayinshitok, rusiye néfitini kéler yili qazaqistan néfit turubisida xitaygha toshush mumkinchiliki barliqini bildürgen bolsimu, lékin bu qazaqistan terepning buni yetküzüp bérish iqtidarigha baghliq ikenlikini ilgiri sürmekte. Atasu - alataw néfit turuba yolining omumi uzunluqi 1000 kilométir kélidu. (Erkin)