Xitay : ottura asiya bashliqlar yighini "bölgünchilik" we énérgiye mesilisini muzakire qilidu


2007-10-29
Share

Xitay da'irilirining düshenbe küni ashkarilishiche, bu heptining axiriliri özbékistanda chaqirilidighan xitay, rusiye we ottura asiya ellirining bashliqlar yighinida atalmish"üch xil küchler" ge qarshi turush hem énérgiye hemkarliqi nuqtiliq muzakire qilinidighan téma iken. Xitay tashqi ishlar ministirliqining yardemchi ministiri lyu xüy, xitayning atalmish "térrorchiliq, bölgünchilik we diniy esebiylik" yenila rayondiki éghir mesile, dep qaraydighanliqini bildürdi.

Lyu xüy, "yawro - asiyaning üch xil küchler keng tarqalghan rayon ikenliki hemme adem melum " deydu. U yene, sherqiy türkistan teshkilatlirini öz ichige alghan üch xil küchler rayonning tinchliqi we muqimliqigha buzghunchiliq qilishni toxtatmidi "dep sözlidi hemde " bizning nishanlirimizning biri, térrorchiliqqa qarshi turush shundaqla sherqiy türkistan térorchi teshkilatini yoqitip, tinchliq, muqimliq we rayon tereqqiyatini ilgiri sürüsh " dep körsetti.

Lékin roytérs axbarat agéntliqining bu heqtiki xewiride, " xitay hökümiti ottura asiya elliri bilen chégrilinidighan néfit zapisigha bay Uyghur élide yerliklerning keng aptonomiye hem diniy erkinlik teleplirini boghmaqta "dep tekitligen. Xelq'ara kishilik hoquq teshkilati we amérika organlirining doklatlirida eskertishiche, "xitay hökümitining térrorchiliqqa qarshi siyasiti köp hallarda Uyghurlarning diniy we milliy medeniyet kimlikige qaritilghan.

Énérgiye acharchiliqi xitayni ottura asiya elliri bilen yéqinlashturuwatqan seweblerning biridur. Lyu xüy, énérgiye hemkarliqi kücheytilse rayonning tinchliqi we muqimliqi üchün yaxshi shara'it yaritilidighanliqini eskertken. U yene, xitay bash ministiri wén jyabaw qatnishidighan bu yighinda iran yadro mesilisi muzakire qilinidighanliqini bildürdi. (‏Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet