Xitay Uyghur élidiki ottura asiyagha toshush nuqtilirini téximu köpeytmekchi

Xitay qatnash da'iriliri Uyghur élining ottura asiya we jenubiy asiya bilen chégrilinishtek ewzel jughrapiyilik shara'itidin paydilinip, soda - iqtisadni téximu ilgiri sürüsh üchün Uyghur diyaridiki ürümchi, qeshqer, qumul,korla, küytün, ghulja qatarliq yette sheherde 21 toshush we yötkesh merkezliri hem béketlirini kéngeytish we qurushni qarar qilip, buning üchün bir milyard yüen meblegh salmaqchi boldi.
Muxbirimiz ümidwar xewiri
2008-09-14
Share

 Bu pilan 2015 - yilighiche emelge ashurulup bolinidiken.

Shinxu'aning xewer qilishiche, hazir ürümchini merkez qilghan toshush tori shekillen'gen bolup, tash yol, tömür yol, hawa yoli we turuba yolidin ibaret töt xil toshush yol tori boyiche ish élip bérilmaqta.

Uyghur diyaridin etraptiki döletlerge kirip chiqidighan ikki terepning 54 toshush liniyisi mewjut bolup, 2015 - yiligha kelgende Uyghur élining toshush üchün ishlitilidighan mashinilirining omumiy sani 280 minggha yetküzilidiken.

Uyghur éli jughrapiyilik jehettin xitayni ottura asiya, jenubiy asiya, gherbiy asiya we yawropa bilen baghlap turidu, egerde pakistan bilen Uyghur éli arisidiki tömür yol qurulushi pütse, xitay pakistan arqiliq hindi okyan boyliridiki döletlerge chiqalaydu hemde tinch okyan arqiliq aylinip, hindi okyan rayoni bilen soda - sétiq pa'aliyiti qilishqa qarighanda, bu yol arqiliq téximu téz we ünümlük soda pa'aliyetliri qilalaydu.

Shunga,nöwette, xitay Uyghur diyarining etraptiki döletler bilen néfit we tebi'iy gaz turuba yolliri yasap, tash yol hem tömür yol qatnashlirini kücheytishke tirishmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet