Xitay qirghizistan, özbékistan we qazaqistan arisida yéngi tömür yol liniyisi achidu


2008-01-27
Share

Xitay bilen qirghizistan we özbékistan rehberlirining kélishimi boyiche qeshqerdin qirghizistanning osh oblasti arqiliq özbékistanning enjan wilayitige tutishidighan xelq'araliq tömür yol qurulushi 2010 - yili resmiy pütüp qatnash bashlanmaqchi.

Uningdin bashqa yene qorghasqiche bolghan tömür yol bu yil pütkendin kéyin, 2010 - yili qazaqistan tewesidiki tömür yol liniyisi bilen tutashturulidu.

Tengri tagh torining xewiridin qarighanda, jing-qorghas tömür yol liniyisi üchün alte milyard yüendin artuq meblegh sélin'ghan bolup, mezkur tömür yol xitay bilen qazaqistan arisidiki alataw liniyisidin kéyinki ikkinchi liniye bolup qalidiken.

Xitay-qirghizistan -özbékistan tömür yol léniyisige qirghizistan, özbékistan shuningdek xitay hökümiti alahide köngül bölgen bolup, xitay terep bu liniyining qurulushi üchün köp küch chiqarghan. Chünki mezkur liniye xitayni perghane wadisi arqiliq türkmenistan, iran hetta türkiye hem yawropa bilen baghlashta muhim rol oynaydu.

Kelgüside xitay mezkur liniye arqiliq mal toshughandin sirt yene ottura we gherbiy asiya hemde kaspi boyining néfitlirini xitaygha toshushi mumkin iken. Ottura asiya döletlirimu mezkur tömür yolni özlirining xitay bilen bolidighan soda munasiwetliride nahayiti muhim dep qarimaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet