Wu banggwo, sherqiy türkistan küchlirini basturushta yardem bergen özbékistan'gha rexmet éytti

2007-11-24
Élxet
Pikir
Share
Print

Özbékistanda ziyarette boluwatqan xitay xelq qurultiyining re'isi wu banggwo, jüme küni tashkentte, özbékistan aliy kéngishining mu'awin re'isi edhem shadmanof bilen uchriship, ikki dölet parlaméntliri otturisidiki munasiwetlerni téximu kücheytishni xalaydighanliqini tekitligen.

Xitay we özbékistanning b d t we shangxey hemkarliq teshkilati ramkisi ichide bir-biri bilen yéqindin hemkarlishiwatqanliqini tekitligen, xitay xelq qurultiyining re'isi wu banggwo, xitay bilen özbékistan otturisidiki siyasiy, iqtisadiy, énérgiye we bixeterlik saheliridiki hemkarliq 15 yilidin béri dawamliq tereqqiy qilmaqta, dep körsetti.

U, jüme küni tashkentte muxbirlargha bergen bayanatida, xitay terepning, teywen we tibet mesililiride xitayning meydanini qollighanliqi bolupmu, sherqiy türkistan térrorchilirigha qarshi turushta xitay hökümitige bergen yardemliri üchün özbékistan hökümitige alahide rexmet bildüridighanliqini, ipadiligen.

Özbékistan parlaméntining mu'awin re'isi shadmanof bayanatida, özbékistan hökümiti,xitayning xelq'ara we rayon xaraktérlik mesililerdiki meydanini hemde shangxey hemkarliq teshkilati ichidiki rolini teqdirleydu, dep körsetken.

Köpchilikke melum bolghandek, özbékistan hökümitining bolupmu, 2005‏ - may éyida enjan shehiride prézidént islam kerimof hakimiyitige qarshi élip bérilghan naraziliq namayishini qanliq basturghanliqi shuningdek 2006‏ - yili kanada puqrasi, Uyghur pa'aliyetchisi höseyin jélilni xelq'ara qanunlargha xilap halda, xitaygha tapshurup bergenliki, xelq'ara kishilik hoquq teshkilatliri we gherb döletlirining qattiq tenqidige uchrighan. Xelq'ara kishilik hoquq teshkilatliri bügün prézidént islam kerimof hakimiyitini dunyadiki eng mustebit hakimiyetlerning biri dep qarimaqta. (Ömer qanat)

Pikirler (0)
Share
Toluq bet