Хитай пакистанда "җуңго шинҗаң мәдәнийәт һәптилики" өткүзмәктә


2006.05.21
Share on WhatsApp
Share on WhatsApp

Пакистанни терроризм, диний әсәбийлик вә миллий бөлгүнчиликкә бирликтә қарши турушта изчил һәмкарлишишқа тәклип қилип, бу җәһәттә ислам абадниң қоллишиға еришиватқан хитай һөкүмити 19-май күни ислам абад шәһиридә "җуңго шинҗаң мәдәнийәт һәптиси" өткүзүшни башлиди.

Хитайниң шинҗаң хәвәр ториниң учуридин мәлум болушичә, мәзкур паалийәт хитай билән пакистанниң дипломатийилик мунасивәт орнатқанлиқиниң 55 йиллиқиға беғишланған болуп, икки дөләт һөкүмәтлири буниңға алаһидә әһмийәт бәргән.

Хитай тәрәп, мәдәнийәт һәптисигә қатнишиш үчүн 30 дин артуқ адәмни әвәткән болуп, булар 27-майғичә пакистанниң ислам абад вә лахор қатарлиқ шәһәрлиридә миллий нахша-усул, кийим –кечәк, хәттатлиқ вә башқа уйғур райониниң иқтисадий тәрәққиятини намайән қилидиған сүрәтләр һәм башқиларни көрситидикән.

Хитай рәһбәрлиридин ху җинтав қатарлиқлар дипломатийилик мунасивәт орнатқанлиқиниң 55 йиллиқини хатириләп, пакистан президентиға тәбрикнамә әвәткән.

Пакистан хитайниң җәнубий асиядики әң йеқин иттипақчиси болуп, уйғурларниң сиясий һәрикәтлириниң күчийишигә әгишип, бейҗиң рәһбәрлири пакистан даирилири билән келишим һасил қилип, у йәрдә панаһлиниватқан бир қисим уйғурларни хитайға қайтуруп кәлгән. Хитай соти пакистан сақчилири тутуп қайтуруп бәргән уйғурларни терроризм вә бөлгүнчилик билән әйибләп өлүмгә һөкүм қилған иди. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.