Xitay pakistanda "junggo shinjang medeniyet heptiliki" ötküzmekte


2006.05.21
Share on WhatsApp
Share on WhatsApp

Pakistanni térrorizm, diniy esebiylik we milliy bölgünchilikke birlikte qarshi turushta izchil hemkarlishishqa teklip qilip, bu jehette islam abadning qollishigha érishiwatqan xitay hökümiti 19-may küni islam abad shehiride "junggo shinjang medeniyet heptisi" ötküzüshni bashlidi.

Xitayning shinjang xewer torining uchuridin melum bolushiche, mezkur pa'aliyet xitay bilen pakistanning diplomatiyilik munasiwet ornatqanliqining 55 yilliqigha béghishlan'ghan bolup, ikki dölet hökümetliri buninggha alahide ehmiyet bergen.

Xitay terep, medeniyet heptisige qatnishish üchün 30 din artuq ademni ewetken bolup, bular 27-mayghiche pakistanning islam abad we laxor qatarliq sheherliride milliy naxsha-usul, kiyim –kéchek, xettatliq we bashqa Uyghur rayonining iqtisadiy tereqqiyatini namayen qilidighan süretler hem bashqilarni körsitidiken.

Xitay rehberliridin xu jintaw qatarliqlar diplomatiyilik munasiwet ornatqanliqining 55 yilliqini xatirilep, pakistan prézidéntigha tebrikname ewetken.

Pakistan xitayning jenubiy asiyadiki eng yéqin ittipaqchisi bolup, Uyghurlarning siyasiy heriketlirining küchiyishige egiship, béyjing rehberliri pakistan da'iriliri bilen kélishim hasil qilip, u yerde panahliniwatqan bir qisim Uyghurlarni xitaygha qayturup kelgen. Xitay soti pakistan saqchiliri tutup qayturup bergen Uyghurlarni térrorizm we bölgünchilik bilen eyiblep ölümge höküm qilghan idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.