Хитай қазақистанға тутушидиған 2 - төмүр йолни ясимақчи


2006.06.05
Share on WhatsApp
Share on WhatsApp

Бейҗиң даирилириниң хитай мәтбуатлириға ашкарилишичә, хитай уйғур аптоном райониниң җиң наһийисидин қорғас наһийисигичә тутушидиған төмүрйол линийисини қазақистанғичә туташтурмақчи болған. Әгәр бу линийә қазақистанға туташтурулса, у һалда бу алатав төмүр йолидин кейин хитай - қазақистан арисини туташтуридиған 2 - төмүрйол линийиси болуп қалиду.

Или қазақ аптоном областиниң партком секритари җаң җишүн мухбирларға җиң - қорғас түмүрйоли пүткәндин кейин, қорғас төмүрйоли қазақистанниң сарөсәк төмүрйоли билән туташтурулидиғанлиқини билдүргән.

Җаң җишүнниң әскәртишичә, җәмий 6милярд йүән мәбләғ селинған җиң - қорғас төмүр йолида 2007 - йилниң ахирлири рәсмий қатнаш башлиниши мумкин. Қорған - сарөсәк төмүр йолиниң 2008 - йили пүтүши пиланланмақта.

Көзәткүчиләрниң әскәртишичә, бу төмүр йол хитайниң райондики тәсир күчини техиму күчәйтиш ролини ойнайдикән. Қорғас - сарөсәк төмүрйолиниң омуми узунлуқи 200 километир келиши мумкин. Төмүрйол ясаш қурулушини хитай тәрәп үстигә алған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.