Xitay qazaqistan'gha tutushidighan 2 - tömür yolni yasimaqchi

Béyjing da'irilirining xitay metbu'atlirigha ashkarilishiche, xitay Uyghur aptonom rayonining jing nahiyisidin qorghas nahiyisigiche tutushidighan tömüryol liniyisini qazaqistan'ghiche tutashturmaqchi bolghan. Eger bu liniye qazaqistan'gha tutashturulsa, u halda bu alataw tömür yolidin kéyin xitay - qazaqistan arisini tutashturidighan 2 - tömüryol liniyisi bolup qalidu.

Ili qazaq aptonom oblastining partkom sékritari jang jishün muxbirlargha jing - qorghas tümüryoli pütkendin kéyin, qorghas tömüryoli qazaqistanning sar'ösek tömüryoli bilen tutashturulidighanliqini bildürgen.

Jang jishünning eskertishiche, jem'iy 6milyard yüen meblegh sélin'ghan jing - qorghas tömür yolida 2007 - yilning axirliri resmiy qatnash bashlinishi mumkin. Qorghan - sar'ösek tömür yolining 2008 - yili pütüshi pilanlanmaqta.

Közetküchilerning eskertishiche, bu tömür yol xitayning rayondiki tesir küchini téximu kücheytish rolini oynaydiken. Qorghas - sar'ösek tömüryolining omumi uzunluqi 200 kilométir kélishi mumkin. Tömüryol yasash qurulushini xitay terep üstige alghan. (Erkin)