Tajikistan bilen xitay ikki terep chégra siziqini axirqi qétim békitti

Tajikistan bilen xitay arisidiki uzundin buyan dawamlashqan chégra mesilisini axirlashturidighan axirqi chégra abidisining yopuqini échish murasimi shenbe küni, tajikistan bilen Uyghur éli arisidiki qara su éghizida ötküzüldi.
Muxbirimiz ümidwar
2008-09-21
Élxet
Pikir
Share
Print

Chégra abidisining yopuqini échish murasimigha tajikistan tereptin mu'awin tashqi ishlar ministiri bilen xitay tereptin Uyghur aptonom rayoni partkomining mu'awin sékritari yang gang qatnashqan. Shinxu'a agéntliqining xewer qilishiche, ikki dölet chégra abidilirini tiklesh xizmetlirini 2006 - yilidin bashlighan bolup, hazir bu ish tamamlan'ghan.

Tajikistan bilen xitay 1999 - yili we 2002 - yili chégra mesilisige a'it ikki kélishim tüzgen bolup, 2002 - yili, sabiq sowét ittipaqi dewridin éship qalghan chégra talishishigha xatime bérilgen. Eyni waqitta tajikistanning bir qisim zéminlarni xitay terepke bergenliki ghulghula qilin'ghan idi.

Eyni waqitta sabiq sowét ittipaqi jumhuriyetliri bilen Uyghur éli arisida uzun chégra liniyisi mewjut bolup, köpligen liniyiler éniq békitilmey, talash - tartish tüsini alghan. Sowét ittipaqi bilen xitay bu mesilini hel qilish üchün köp qétim sözleshken hetta ikki terep arisida da'im chégra jidelliri chiqip turghan idi.

Uzun'gha sozulghan chégra mesilisi sowét ittipaqi yimirilip, her qaysi jumhuriyetler musteqil bolghandin kéyin, qazaqistan, qirghizistan, tajikistan we rusiye hökümetliri ayrim - ayrim halda xitay bilen sözliship, öz chégralirini toluq békitip chiqishqa muyesser boldi.


Toluq bet