Хитай һөкүмити қанун тикләп уйғур юртлирини хитайлаштурушни тезләтмәктә

Хитай һөкүмити бүгүн уйғур аптоном районида 'мәҗбурийәт маарип қануни' тиклиди. Хитайниң тор бәтлиридә баян қилинишичә, бу қанунниң 4 ‏ - маддисида уйғурларға қарита хитай тилини өгинишни мәҗбурийәт қилиш үчүн 'қош тиллиқ маарипни йолға қоюш' бәлгиләнгән.
Мухбиримиз вәли хәвири
2008.09.03

 Бу қанунниң 10 ‏ - маддисида йәнә оқуғучиларниң динға етиқад қилишни чәкләш үчүн 'динниң маарипқа арилишивелиши мәни қилиниду' дәп бәлгиләнгән.

Хитайниң шинхуа торида ашкарилинишичә, бүгүн хитайниң 405 нәпәр маарип хадими қәшқәр, хотән, қизилсу, ақсу районлиридики 21 наһийиниң 134 балилар бағчисиға вә мәктәп йешидин бурунқи балилар синиплирида хитайчә дәрс өтүш үчүн орунлашқан.

Хитайниң шинҗаң маарип назарити хадимлириниң ейтишичә, бу қетим 'қош тиллиқ маарип' дегән нам билән хитайчә өгитишни бағчилардики кичик балилардин башлаш үчүн уйғурлар зич олтурақлашқан бу районларға барған хитай оқутқучилири бу йил әвәтилгән иккинчи түркүм оқутқучи болуп һесаблиниду.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.