Исмаил тиливалди "үч хил күчләргә зәрбә бериш" тики мәйданини ашкарилиди


2007.11.16
Share on WhatsApp
Share on WhatsApp

Хитайниң уйғур елидики һөкүмитиниң рәиси исмаил тиливалди, хитай ахбарат васитилиригә, бөлгүнчи күчләргә қарши туруштики мәйданиниң өзгәрмәйдиғанлиқини билдүргән.

" Тинчлиқ амәт, паракәндичилик апәт" шоарини еғизидин чүшүрмәйдиған, хитай һөкүмитиниң садиқ қорчақ әмәлдари исмаил тиливалди бу нөвәтму шу кона муқамини товлиған вә уйғур елиниң мустәқиллиқи үчүн күрәш қиливатқан затларни "шәрқи түркистан террорчи күчлири" дәп атап, уларға қарши күрәш қилишта изчил "қаттиқ бастуруш" тин ибарәт мәйданини ипадилигән.

Исмаил тиливалдиниң тәңритағ ахбарат ториға билдүргәнлиригә қариғанда, хитай һөкүмитиниң бөлгүнчиликкә қарши күриши узун мәзгиллик, кәскин, мурәккәп болуп, " шинҗаң" миллий бөлгүнчилик, террорлуқ вә қанунсиз диний паалийәтләргә қарши күрәш қилишта даим қаттиқ зәрбә бериш вә қаттиқ бастуруш позитсийисини сақлап қелиши керәк икән.

Чәтәлләрдә паалийәт елип бериватқан уйғур тәшкилатчилири , исмаил тиливалдиниң " допписини әпкәл десә бешини кесип килидиған " бу сөзлири хитай һөкүмитиниң олимпик һарписида уйғур хәлқигә қаратқан кишилик һоқуқ дәпсәндичиликлирини тохтатмайдиғанлиқини көрситип бериду дәп қаримақта . (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.