شىخۇا خەۋەر تورىدا ئاشكارىلىنىشىچە، بۇ يىل غەربنى ئېچىشقا ياردەم بېرىش ئۈچۈن دېگەن نام بىلەن شىنجاڭغا ئەۋەتىشكە پىلانلانغان 908 نەپەر ئالىي مەكتەپ پۈتتۈرگەن ئوقۇغۇچىلارنىڭ 201 ى بۈگۈن جېڭجۇدىن 179 - قېتىملىق پويىز بىلەن ئۈرۈمچىگە يېتىپ كەلگەن. بۇلار 16 ناھىيىدە مائارىپ، سوت، تەپتىش ساھەلىرىگە ئورۇنلاشتۇرۇلىدىكەن.
ماۋزېدۇڭ تاللانما ئەسەرلىرى 5 تومىدا يېزىلىشىچە، ماۋزېدوڭنىڭ تىبەت خىزمىتى توغرىسىدىكى مەخپىي يوليۇرۇقىدا 'شىنجاڭدا بىر نەچچە تۈمەن خىتاي بار، تىبەتتە تېخى يوق' دەپ ئاشكارىلىغان. كوممۇنىست خىتاي ئارمىيىسى 1949 - يىلى شەرقىي تۈركىستاننى بېسىۋالغاندىن كېيىن 'ياردەم بېرىش' دېگەن نام بىلەن ئۇيغۇر يۇرتلىرىغا كۆچۈرۈپ كېلىنگەن خىتاي نوپۇسى ھازىر 10 مىليوندىن ئاشتى.