Шинҗаң сақчи-әдлийә мәктипидә тоқунуш йүз бәрди


2007-09-23
Share

"Шиңдав" гезитиниң хәвәр қилишичә, 20-сентәбир күни үрүмчи шәһиригә җайлашқан шинҗаң әдлийә сақчи мәктипидә уйғур оқуғучилар билән хитай оқуғучилар арисида 500 дин артуқ адәм қатнашқан тоқунуш йүз берип, бир қанчә он киши еғир яриланған.

Хәвәрдә ейтилишичә, тоқунуш тинчландурулған болуп, тоқунуш җәрянида икки тәрәп калтәк, төмүр қатарлиқ һәр хил нәрсиләрни ишлитип урушқан. Вәқәниң келип чиқиш сәвәби һазирчә ениқ әмәс, бирақ сәвәбниң хәнзу оқуғучиларниң уйғур оқуғучиларға көрситиватқан бесиминиң ахири партлаш дәриҗисигә йәткәнлики билән мунасивәтлик икәнлики пәрәз қилинмақта.

Бу мәктәптә һәр милләттин тәркип тапқан миңдин артуқ оқуғучи барлиқи билдүрүлмәктә, шинҗаң әдлийә сақчи мәктипи әслидики шинҗаң әдлийә мәктипи билән сақчи мәктипини бирләштүрүш асасида қурулған болуп, бу уйғур аптоном районидики сақчи офитсерлар вә әдлийә хадимлирини тәрбийиләйдиған бирдин бир орун болуп һесаблиниду.

Хоңкоңдики җуңго кишилик һоқуқ вә демократик һәрикити учур мәркизиниң ашкарилишичә, җедәл икки қиз оқуғучиниң ашханида урушуп қелишидин пәйда болған болуп, сақчилар бу икки қизни вә уларниң достлирини тутуп кәткән икән. Бу тоқунушта адәм өлүш вәқәси келип чиққанлиқи билдүрүлмәктә. Лекин, мәктәп даирилири буни инкар қилған, әмма пәқәт яриланғанларниң дохтурханиға елип кетилгәнликини етирап қилған. Шуниңдәк , уйғур оқуғучилар билән хәнзу оқуғучилар арисидики бу тоқунушниң сақчи ишлитип бастуруш дәриҗисигә йәтмигәнликини билдүргән.

Мусулманларниң рамизан ейида сақчи вә әдлийә мәктипидә йүз бәргән бу хил тоқунуш вәқәсиниң тәпсилати һөкүмәт ахбарат васитилирида хәвәр қилинмиған һәмдә бу һәқтики учурлар қамал қилинған болсиму, лекин бәрибир бу вәқә һәққидики учурлар сиртқа тарқилип кәткән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт