Shinjang saqchi-edliye mektipide toqunush yüz berdi


2007.09.23

"Shingdaw" gézitining xewer qilishiche, 20-séntebir küni ürümchi shehirige jaylashqan shinjang edliye saqchi mektipide Uyghur oqughuchilar bilen xitay oqughuchilar arisida 500 din artuq adem qatnashqan toqunush yüz bérip, bir qanche on kishi éghir yarilan'ghan.

Xewerde éytilishiche, toqunush tinchlandurulghan bolup, toqunush jeryanida ikki terep kaltek, tömür qatarliq her xil nersilerni ishlitip urushqan. Weqening kélip chiqish sewebi hazirche éniq emes, biraq sewebning xenzu oqughuchilarning Uyghur oqughuchilargha körsitiwatqan bésimining axiri partlash derijisige yetkenliki bilen munasiwetlik ikenliki perez qilinmaqta.

Bu mektepte her millettin terkip tapqan mingdin artuq oqughuchi barliqi bildürülmekte, shinjang edliye saqchi mektipi eslidiki shinjang edliye mektipi bilen saqchi mektipini birleshtürüsh asasida qurulghan bolup, bu Uyghur aptonom rayonidiki saqchi ofitsérlar we edliye xadimlirini terbiyileydighan birdin bir orun bolup hésablinidu.

Xongkongdiki junggo kishilik hoquq we démokratik herikiti uchur merkizining ashkarilishiche, jédel ikki qiz oqughuchining ashxanida urushup qélishidin peyda bolghan bolup, saqchilar bu ikki qizni we ularning dostlirini tutup ketken iken. Bu toqunushta adem ölüsh weqesi kélip chiqqanliqi bildürülmekte. Lékin, mektep da'iriliri buni inkar qilghan, emma peqet yarilan'ghanlarning doxturxanigha élip kétilgenlikini étirap qilghan. Shuningdek , Uyghur oqughuchilar bilen xenzu oqughuchilar arisidiki bu toqunushning saqchi ishlitip basturush derijisige yetmigenlikini bildürgen.

Musulmanlarning ramizan éyida saqchi we edliye mektipide yüz bergen bu xil toqunush weqesining tepsilati hökümet axbarat wasitilirida xewer qilinmighan hemde bu heqtiki uchurlar qamal qilin'ghan bolsimu, lékin beribir bu weqe heqqidiki uchurlar sirtqa tarqilip ketken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.