خىتاي مەملىكەتلىك خەلق قۇرۇلتېيىنىڭ تەكشۈرۈش گۇرۇپپىسى ئۇيغۇر يۇرتلىرىدا ھەرىكەت قىلىۋاتىدۇ

خىتاينىڭ 'شىنجاڭ رادىئو ئىستانسىسى' ئېلان قىلغان خەۋەرلەردىن مەلۇم بولۇشىچە، خىتاي مەملىكەتلىك خەلق قۇرۇلتىيى مىللەتلەر ئىشلىرى كومىتېتىنىڭ تەكشۈرۈش - تەتقىق قىلىش گۇرۇپپىسى تۈنۈگۈندىن باشلاپ ئۇيغۇر يۇرتلىرىدا تەكشۈرۈش ئېلىپ بېرىۋاتىدۇ. ئۇلارنىڭ بۇ ھەرىكىتى 18 ‏ - چىسلاغىچە داۋام قىلىدىكەن.
مۇخبىرىمىز ۋەلى خەۋىرى
2008.06.11

 ئۆتكەن ھەپتىدە، خىتاي مەملىكەتلىك خەلق قۇرۇلتىيى مىللەتلەر ئىشلىرى كومىتېتى تارقاتقان ئۇقتۇرۇشىدا يەرلىك ھۆكۈمەت دائىرىلىرىنى مەركەزنىڭ مىللەتلەر ۋە دىن خىزمىتى ھەققىدىكى سىياسىتىنى ياخشى ئىجرا قىلمىدى دەپ تەنقىدلىگەن ئىدى.

خەۋەردە ئېيتىلىشىچە، ئۇيغۇر ئاپتونوم رايونلۇق خەلق قۇرۇلتېيىنىڭ باشلىقى ئەركىن ئىمىرباقى خىتاي مەملىكەتلىك خەلق قۇرۇلتېيىنىڭ تەكشۈرۈش گۇرۇپپىسىدىن، شىنجاڭنىڭ ئىجتىمائىي تەرەققىياتىدا، بولۇپمۇ مىللەتلەر ۋە دىن خىزمىتى جەھەتتە جىددىي ھەل قىلىشقا تىگىشلىك مەسىلىلەرنى تۈرلۈك يوللار ئارقىلىق مەركەزگە ئىنكاس قىلىشنى ۋە دۆلەت كابىنىتىنىڭ ئۇنى ھەل قىلىشقا ياردەملىشىشنى تەلەپ قىلغان.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
ئۇيغۇر خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.