"Yardemge kelgen" 700 neper xitay yash Uyghur éligha makanlashti


2007-09-30
Share

Xitay da'irilirining "gherbni échish pilani" boyiche mexsus ichkiridiki aliy mekteplerni püttürgen yashlarni Uyghur éligha yardemge élip kélish pilani boyiche 2003-yilidin taki hazirghiche bolghan ariliqta Uyghur éligha yardemge kelgen 3893 neper yashning 700 nepirining ichkirige qaytip ketmey , Uyghur élide qalghanliqi melum boldi.

Shinxu'a agéntliqining bu heqte tarqatqan uchurlirigha asaslan'ghanda, Uyghur éligha yardemge kelgen aliy mektep oqughuchiliri asasen ma'arip, déhqanchiliq-charwichiliq, saqliqni saqlash qatarliq her qaysi sahelerge bölün'gen bolup, yardem bérish möhliti toshqanlarning bir qisimi kétip, 700 nepiri Uyghur élidin ketmey qélishni qarar qilghan.

Xewerlerdin qarighanda, yerlik da'iriler ichkiridin kelgen bu yashlarni mumkin qeder Uyghur élida qélip, makanlishishqa righbetlendürüsh, buning üchün ulargha türlük mumkinchiliqlarni yaritip, étibar bérish charilirini qollan'ghan bolup, mezkur yashlarning xéli köp qisimi yaxshi ma'ash we emelge sazawer bolghan hetta beziliri a'ile qurghan.

Istatistikiliq melumatlargha qarighanda, her yili xitay aliy mekteplirini püttüridighan oqughuchilarning %60 ishsiz qalidiken. Ularning ichkiride yaxshi ish orunliri tépishi qiyin bolghanliqi üchün hökümetning teshwiqati bilen 2006-yili 50 ming yash Uyghur éligha bérishqa özlirini tizimlatqan.

Gherbiy rayonlargha yardem bérish pilani boyiche 2007-yili Uyghur éligha kelgenlerning köpinchisi Uyghur aptonom rayoni partkomining sékritari wang léchüenning yurtdishi yeni shendung ölkisidiki aliy mekteplerni tamamlighanlar iken.Biraq, Uyghur élidiki Uyghur aliy mektep püttürgen yashlar bolsa, ishsiz qalmaqta .(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet