Бу йил хитайниң дөләт бихәтәрликигә четишлиқ җинайәтчиләрни әң көп қолға алған йили

2007-11-29
Елхәт
Пикир
Share
Принт

Хитай һөкүмәт органлириниң истатистикисидин ашкарилинишичә, 2006 ‏- йили дөләтниң бихәтәрликигә дәхли йәткүзгән дегән җинайәт билән қолға елинғанлар сани 2005 ‏- йилидикидин бир һәссә көпәйгән.

Мәркизи америкиниң лос анҗилис шәһиридики диалог фонди тәшкилати хитайда йеңила нәшр қилинған һөкүмәт мәҗмуәсиниң доклатини нәқил кәлтүрүп " 2006 ‏- йили бир йилда хитайда дөләт бихәтәрликигә дәхли йәткүзгән дегән җинайәт билән 604 адәмниң қолға елинғанлиқи, буларниң ичидә 561 иниң делосиниң хитай соти тәрипидин бир тәрәп қилиниш алдида туруватқанлиқи" ни билдүргән.

Диалог фонди тәшкилатиниң билдүрүшичә, мәзкүр дилолар ичидики аз бир қисим дилолар хитай һөкүмити һәмдә хәлқара кишилик һоқуқ тәшкилати тәрипидин ашкара елан қилинған болуп, 90 пирсәнт делониң җинайәтчилиридин ташқи дуня хәвәрсиз икән. Диалог фонди тәшкилатиниң тәкитлишичә, хитайниң 2006 ‏- йили дөләт бихәтәрликигә дәхли йәткүзгән вә яки дөләт мәхпийәтликини ашкарилиған дегәнгә охшаш җинайәтләр билән қолға алған адәм сани 2002 ‏- йилидин буян қолға алған адәм саниға селиштурғанда әң көп бир йил һесаблинидикән.

Хитай һөкүмити сиясий җинайәт артип қолға алған уйғур паалийәтчиләрниң сани әң көп болуп, һөкүмәт бу санни мәхпий тутуп кәлмәктә . Хитай буниңдин 8 йил бурун, уйғур миллий һәрикитиниң рәһбири, мәркизи германийидики дуня уйғур қурултийиниң рәиси рабийә қадир ханимни дөләтниң мәхпийәтликини ашкарилиған дегән җинайәт билән түрмигә ташлиған иди. Бирақ һазир рабийә қадир ханим демократик әлләрниң, хәлқарадики кишилик һоқуқ тәшкилатлириниң йүксәк баһасиға еришкән кишилик һоқуқ паалийәтчиси болупла қалмастин бәлки дуня нобил тенчлиқ мукапатиниң күчлүк намзати шуниңдәк уйғурларниң мәнивий аниси дәп тәрипләнмәктә. (Әқидә)

Пикирләр (0)
Share
Толуқ бәт