Хитай өлкилиридә ишқа орунлаштурулған уйғур қизлири кишиләрни қаттиқ әндишигә салмақта


2007.04.05
Share on WhatsApp
Share on WhatsApp

Уйғур елидики яш қиз - чоканларни хитай өлкисидики завут ‏- карханиларға ишқа орунлаштуруш мәсилиси, нөвәттә ялғуз чәтәлләрдики уйғурларниң арисида ғул - ғула қозғапла қалмастин бәлки вәтән ичидики уйғурларниңму диққитини тартмақта.

Уйғур елидики тор бәтлиридә, бу һәқтики инкаслар елан қилинған болуп, униң биридә хитай өлкисидики бир завутта йүз бәргән вәқә баян қилинған. Вәқәдә завут ашханисида хитай ашпәзниң уйғур қизлири үчүн тамақ етидиғанлиқи, гәрчә ишчи қизларға берилидиған муаш бир айда 530 йүән дәп бекитилгән болсиму, амма маашниң вақтида тарқитилмай несигә қалдурулғанлиқи, әгәр хитай шәһиридә хизмәт қилишқа қошулмиса кәлгүсидә той хети бәрмәслик, һашарға әмгәккә селиш, қанунлуқ йәрләрни тартивелиш шәрт қилинғанлиқи ашкариланғандин сирт, һәтта қизларниң ата ‏- анилири билән телефунда сөзлишишиму чәкләнгән һәмдә сирттин телефун кирсә аваз чиқмайдиған қилип қойған, қизлар буниңға охшаш хорлуқлардин қаттиқ азабланған.

Бу әһваллардин хәвәр тапқан кишиләр, уйғур қизлиридин қаттиқ әндишә қилиш билән бирликтә, әһвални аптоном район һөкүмитигә мәлум қилип, қизларниң хизмәт ишләш вақти, турмуши қатарлиқлар үстидә сүрүштүрүш елп бериш һәққидә җамаәт пикири топлашни ойлашқан.

Чәтәлләрдики уйғур тәшкилатлири болса, хитай һөкүмитиниң қизларни хитай өлкилиригә орунлаштуруштики мәқсиди, уйғурларни ассмилиятсийә қилиш вә хитайда йүз бериватқан әр ‏- аял нисбитиниң тәңпуңсизлиқини тәңшәш сияситини ишқа ашуруш болуши мумкин дәп қияс қилишмақта. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.