Xitayning jéjyang ölkisige toshulghan qizlar chet yézilardiki zawutlargha orunlashturulghan


2007.04.06
Share on WhatsApp
Share on WhatsApp

Yéqindin béri Uyghur qizliri xitay ölkilirige nimkar ishleshke üzlüksiz toshup kétiliwatqan idi. Bu qizlar ichide xitayning jéjyang ölkisige toshulghanlar köp salmaqni igilep kelgen.

Biz igiligen melumatlargha qarighanda jéjyang ölkisidiki köpinche zawutlar yézilargha jaylashqan iken. Qeshqer hökümet torigha bérilgen 4 ‏-aprildiki melumatlargha asaslan'ghanda, jéjyang ölkisining pingxu jinping kiyim-kéchek shirkitige yéngisar nahiyisidin 186 qiz élip bérilghan. Bu kiyim-kéchek shirkitining mes'uli Uyghur qizlarni maxtap "bu balilar japa tartishtin bash tartmaydighan, chidamliq qizlar iken. Uyghur élige bérip ishchi élip kélip toghra qiptimen" dégen.

Tekshürüp éniqlishimizche, pingxu jinping kiyim-kéchek shirkiti xitayning jéjyang ölkisi pingxu shehiri sawchiyaw (paxal körük) yézisi tongjiyé kentige jaylashqan iken.

Yéngisar nahiyisidin yötkelgen bu bir türküm qizlar 3-ayning 25- küni mezkur zawutqa kélip orunlashqan. Bu qizlarning ayliq ma'ashi 600 yüen qilip belgilen'gen. Lékin Uyghur élidiki tor betliride körülgen bezi uchurlargha qarighanda xitay ölkisige ishqa tutulghan nurghun qizlarning ish heqqi nési qaldurulghan.

Xitay ölkiliride ishlesh jeryanida késel bolup öyige qaytishqa temshelgen qizlargha ular: "biz senlerni toshup élip kélip chiqimdar bolduq. Shu chiqimlarni tölesh" dep transport heqqini töletken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.