Yene bir türküm Uyghur yashliri xitay ölkiliridiki zawutlarda ishchi bolushqa yolgha sélindi


2007.03.13
Share on WhatsApp
Share on WhatsApp

Shinjang gézitining 13 ‏- marttiki melumatida körsitilishiche, yene bir türküm Uyghur yashliri xitay ölkiliridiki zawutlarda ishchi bolushqa yolgha sélin'ghan.

Xewerdin melum bolushiche, Uyghur élining peyziwat nahiyisidin kelgen 120 neper Uyghur oghul-qiz, 12 ‏- mart küni poyiz bilen ürümchi wogzalidin xitay sheherlirige uzitilghan.

Bu nöwet yolgha sélin'ghan 120 neper Uyghur yashning köpinchisi oghul bolup, buning ichide 90 neper oghul we 30 neper qiz bar iken. Bular "xébéy qosh öchke toqumchiliq fabrikisi" we " béyjing bawjiya kiyim- kéchek shirkiti " de 1 yildin 3 yilghiche ishleydiken.

Ötken yilidin bashlap xitay hökümet terep" namratliqtin qutuldurush" sho'ari astida peqet Uyghur qizlirinila ichkiri ölkilerge yötkigen we bu qilmishi tüpeyli dunyaning herqaysi jayliridiki Uyghur küzetküchilerning éghir naraziliqini qozghighan we eyiblishige uchrighan idi.

Lékin, bu nöwet yötkelgen "ishchilar" ning terkibide sel özgirish bolghan bolup, aldinqi nöwettikisige qarighanda oghullarning igiligen nisbiti körinerlik yuqiri bolghan. Xewerlerge qarighanda, bu yil xitay sheher-bazarlirida ishsizliq mesilisining yenila éghir bolidighanliqi melum.

Mushu xil ehwal astida Uyghur yashlirining xitay ölkiliridiki zawutlargha "ishchi" süpitide yötkilishi, yenila Uyghur közetküchilerning gumanini qozghimaqta. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.