Bultur qeshqerdin sirtqa yötkep kitilgen ayal emgek küchining sani 240 ming adem qétimgha yetken


2007.03.19
Share on WhatsApp
Share on WhatsApp

Qeshqer hökümet uchur tor bétining 19 ‏- marttiki xewridin melum bolushiche, mushu ayning 14 ‏- küni peyziwat nahiyisining herqaysi yéza- bazarliridin kelgen 186 neper Uyghur qizliri tyenjin sheherlik shen'gang kiyim- kéchek shirkitige ishlemchilikke yolgha sélin'ghan.

Bu mushu ay ichide peyziwat nahiyisidin 4 ‏- türküm yolgha sélin'ghan qizlar bolup, 3-ay ichide peyziwat nahyisidinla texminen 696 qiz ichkirige yötkep kétilgen. 2007 -Yili kirgendin buyan toshulghan qizlarning sani jem'iy 3000 gha yétidiken. Uningdin bashqa, 19 ‏- mart qaghiliq we tashqorghandin kelgen 160 neper qiz xitay ölkiliridiki zawutlarda ishlesh üchün yolgha sélin'ghan. Xewerdin melum bolushiche, bu qizlar tyenjin jongjé shünchéng tikküchilik cheklik shirkitige öginish we ishleshke baridighan bolup, ular bu shirkette 2-3 yilghiche ishleydiken.

Iglinishiche, bultur qeshqer wilayet tewesidin yaqa yurtlargha yötkep ishlitilgen ayal emgek küchi 240 ming adem qétim iken. Buningdin bashqa, 2006 -yili pütün Uyghur élidin 1 milyon 115 ming adem qétim xitay sheherlirige yötkelgen bolup bu yil bu sanni 1 milyon 200 minggha yetküzülüsh pilanliniwitiptu.

Xitaylarning mexsus Uyghur qizlirinila xitay sheherlirige ishlemchilikke toshup kétishi dunyaning herqaysi jayliridiki Uyghurlarni qattiq endishige salmaqta. Bezi Uyghur ziyaliylirining bildürüshche, xitaygha toshup kétilgen bu Uyghur qizlarning kelgüsi teqdiri xeter ichide bolup, ularning herxil xorlinish, kemsitilish we jismaniy jehette ézilishke uchrash éhtimalliqi intayin yuqiri iken.

Öz muxbirimiz, gülchéhre Uyghur élidin biwaste igiligen melumatlargha qarighanda, ichkirige yötkelgen yashlarning salametlik we bixeterlik ehwalliri ata-anilarni endishige sélishqa bashlighan. Chingdawgha yötkelgen bir qizning anisigha yighlap bildürüshiche, ular zawutqa kirip bolghandin kiyin, sa'etlep éghir jismaniy emgekke sélin'ghan, yéterlik dem élishqa waqit bérilmigen we sijil ish waqti seweblik ularning qolliri qapirip tirnaqliri yérilip kétishken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.