Уйғур елидин йәнә бир түркүм қизлар хитай өлкилиригә тошуп кетилди

Қәшқәр учурлири торида 22 ‏-март илан қилинған хәвәргә қариғанда, йеңисар наһийисиниң һәрқайси йезилиридин кәлгән 200 нәпәр уйғур қиз хитайниң җеҗияң өлкиси пиңху наһийиси җинпиң кийим- кечәк ширкитигә нимкар ишләшкә тошуп кетилгән. Хәвәрдин мәлум болушичә бу қизларға алди билән бир айдин көпрәк хитайчә өгитилгән вә кийим тикиш тәрбийиси берилгән.

Хәвәрдә ейтилишичә йәнә, бу қизлар хитайға йолға чиқиш алдида, қизларға нопусини шәһәргә йөткәш вә ата- анилириниң һашарлирини көтүрүветиш тоғрисида вәдиләр берилгән. Униңдин башқа, 19 ‏- март 110 нәпәр уйғур пәрзәнтлири йопурға наһийисидин хитайниң җеҗияң өлкисидики бирқанчә шәһәрләргә тошуп кетилгән. Бу яшларниң көпинчиси 18 дин 25 яшқичә икән. Буларғиму йолға чиқиштин илгири хитайчә өгитилгән вә башқа кәсип тәрбийилири илип берилған.

Радиомиз мухбири игилигән мәлуматларға қариғанда, хитай өлкисигә тошуп кетилгән қизлар езилишкә учриған болуп, уларға наһайти қисқа дәм елиш вақти берилип тохтимай ишқа селинған. Һәтта дәм алмай ишләшкә қошулмиған қизларни иш башлири урған икән.

Бу иштин хәвәр тапқан инсан һәқлири тәшкилатлири хитай өлкилиригә тошуп кетилгән уйғур яшлириниң давамлиқ хорлуққа учришиниң алдини елиш үчүн җиддий һәркәт қилмақта. (Җүмә)