Uyghur élidin yene bir türküm qizlar xitay ölkilirige toshup kétildi
2007.03.23
Qeshqer uchurliri torida 22 -mart ilan qilin'ghan xewerge qarighanda, yéngisar nahiyisining herqaysi yéziliridin kelgen 200 neper Uyghur qiz xitayning jéjiyang ölkisi pingxu nahiyisi jinping kiyim- kéchek shirkitige nimkar ishleshke toshup kétilgen. Xewerdin melum bolushiche bu qizlargha aldi bilen bir aydin köprek xitayche ögitilgen we kiyim tikish terbiyisi bérilgen.
Xewerde éytilishiche yene, bu qizlar xitaygha yolgha chiqish aldida, qizlargha nopusini sheherge yötkesh we ata- anilirining hasharlirini kötürüwétish toghrisida wediler bérilgen. Uningdin bashqa, 19 - mart 110 neper Uyghur perzentliri yopurgha nahiyisidin xitayning jéjiyang ölkisidiki birqanche sheherlerge toshup kétilgen. Bu yashlarning köpinchisi 18 din 25 yashqiche iken. Bularghimu yolgha chiqishtin ilgiri xitayche ögitilgen we bashqa kesip terbiyiliri ilip bérilghan.
Radi'omiz muxbiri igiligen melumatlargha qarighanda, xitay ölkisige toshup kétilgen qizlar ézilishke uchrighan bolup, ulargha nahayti qisqa dem élish waqti bérilip toxtimay ishqa sélin'ghan. Hetta dem almay ishleshke qoshulmighan qizlarni ish bashliri urghan iken.
Bu ishtin xewer tapqan insan heqliri teshkilatliri xitay ölkilirige toshup kétilgen Uyghur yashlirining dawamliq xorluqqa uchrishining aldini élish üchün jiddiy herket qilmaqta. (Jüme)
Munasiwetlik maqalilar
- Qeshqerdin 240 ming ayal sirtqa yötkep kitilgen
- Yene bir türküm Uyghur yashliri xitay ölkiliridiki zawutlarda ishchi bolushqa yolgha sélindi
- Xitay hökümiti Uyghur ewladlirini xitay ma'aripida terbiyilesh kölimini yene bir qedem kéngeytti
- Pichan nahiyisidin 167 neper Uyghur yash ichkiri xitaygha élip kétildi
- Xitay hökümiti bu yil yene 100 ming kishini xitay ölkilirige yötkimekchi