Yeken nahiyisidin 500 neper qiz xitay ölkilirige toshup kétildi


2007.03.30
Share on WhatsApp
Share on WhatsApp

Yeken közniki tor bétidiki xewerlerge qarighanda 29 ‏- mart etigende 500 neper qiz xitayning chingdawdiki jawju shehirining shinyung'en kiyim- kéchek zawutigha yolgha sélin'ghan.

Xewerdin ashkarlinishche, yeken nahiyisining emgek küchlirini siritqa yötkesh namida xitaygha yötkigen qizlarning nisbiti aldinqi yildikidin körünerlik yuqiri bolghan. Bu yil kirgendin buyan, yeken nahiyisi herqaysi derijilik idare-organlarni orunlashturup xitaygha baridighan bu qizlargha nisbeten, xitay tili we kespiy terbiye élip barghan.

Bu yil ikkinchi ayning béshida, yeken emgek küchlirini xitaygha yötkesh tarmaqliri jéjyang ölkisining bofa guruhi ishxana buyumliri zawutigha we chingdawdiki jawju shehirining shinyung'en kiyim -kéchek zawutigha 500 neper qizni yolgha salghan idi.

Oz muxbirlirimiz bu jaylargha yolgha sélin'ghan qizlarning ata-aniliridin igiligen melumatqa qarighanda chingdawdiki bu kiyim-kéchek zawutigha orunlashturulghan qizlarning nurghunliri qattiq ishqa sélin'ghan, hetta ten jazasigha uchrighan iken. Mushu zawuttiki bir qizning yighlap turup anisigha éytishiche, u zawuttiki xitaylar bu qizlarni dem élishqa ruxset qilmighan, boysunmighanlarni urghan, hetta ata-anisigha téléfun qilishqimu yol qoymighan.

Xewerlerge asaslan'ghanda, bu yil yeken nahiyisidin sirtqa yötkilidighan emgek küchining sani 6 mingdin ashidiken.

Buningdin bashqa yene, yéngisar nahiyisidinmu xitayning jéjyang ölkisige 185 neper qiz yolgha sélin'ghan bolup, bularning kichiki 16 yash, chongi 22 yash iken. Rabiye qadir xanim özining bu qétim qatnashqan birleshken döletler teshkilati kishilik hoquq kéngishining yilliq yighinida Uyghur qizlarning mesilisini alahide otturigha qoyghan we dunya jama'etchilikining diqqitini qozghighan idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.