Yéngisheher nahiyisidin 330 neper yash xitayning shendung ölkisige ishleshke toshup kétilgen

Qeshqer hökümet torining 2- arilidiki xewiridin melum bolushiche, 3- ayning 31- küni qeshqerning yéngisheher nahiyisidin 330 neper yash xitayning shendung ölkisi chingdaw shehirige nimkar ishleshke toshup kétilgen.

3- Aydin buyan yéngisheher nahiyisidin 3 türküm, jem'iy 564 adem sirtta ishleshke yolgha sélin'ghan. Bu nöwet, 3- ayning 31- küni chingdawgha yolgha sélin'ghan yashlar asasen, yéngi sheher baziri, baghcha yézisi, qomush ériq yézisi we xan'ériq baziridin kelgen iken. Xewerde éytilishiche, 2006-yili yéngisheher nahiyisidin siritqa yötkep ishlitilgen adem sani 36 ming 700 adem qétimgha yetken. Bu yil yéngisheher nahyisi sirtta uzun muddet ishleydighan yene 8000 adem chiqirishni pilanlighan. Bularning ichide 4000 adem xitay ölkilirige yötkilidiken.

Buningdin burun Uyghur ilidin xitaygha yötkelgen ishlemchi yashlarning mutleq köp qismini qizlar teshkil qilghan bolup, bu ehwal dunyaning herqaysi jaylirida yashawatqan Uyghurlarni qattiq endishige salghan idi.

Hetta bezi Uyghur ziyaliyliri xitayning bu qilmishini Uyghurlarni assimilyatsiye qilishtiki eng ghaljir siyasetlirining biri dep qarighan.

Hazir dunya Uyghur qurultiyi we Uyghur amérika birleshmisi Uyghur yashliri bolupmu Uyghur qizliri duch kéliwatqan bu rehimsiz ré'alliqni dunya jama'etchilikige yetküzush we bu qizlarning xitay ölkiliride bexitsiz qismetlerge yoluqup qélishining aldini élish üchün jiddiy heriket qilmaqta. (Jüme)