Xitay hökümiti kiler yili 3000 Uyghur oqughuchini xitay sheherliride terbiyilimekchi


2004-09-02
Share

Uyghur aptunum rayunluq ma'arip nazariti kiler yili Uyghur élidin xitay ölkiliridiki toluq otturigha ewetidighan milli oqughuchilarning sanini 3000 ge yetküzidighanliqini bildürdi.

Xitayning tengritagh tor bétining xewiridin ashkarilinishiche, xitay da'iriliri Uyghur élidin tallan'ghan milli oqughuchilarni béyjing ,shangxey qatarliq 24 sheherge ewetip, xitayche oqutidiken.

Xitay hökümiti 2000 - yilidin bashlapla, xitaylarning tesirige az uchrighan Uyghur élining jenubiy we shimalidiki bir qisim namrat rayunlardiki milli oqughuchilarni xitay ölkiliride, xitay tilida terbiyileshni yolgha qoyghan idi. Xitay da'iriliri buning Uyghur élidiki ma'arip sapasini yuqiri kötürüsh üchün qollinilghan bir tedbir ikenlikini bildürmekte. Emma chet'eldiki Uyghur pa'aliyetchiliri bolsa, buning xitay hökümitining xitaylashturush siyasitining bir qismi ikenlikini ilgiri sürmekte.

Melumatlargha qarighanda, bu yil Uyghur élidiki 1500 din artuq toluqsiz otturini püttürgen milli oqughuchilar, xitay sheherlirige oqushqa mangghan. Hazir xitayning 12 shehiridiki 15 toluq ottura mektepte oquwatqanlarning sani 6700 ge yitidiken.(Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet